Grao en Relacións Laborais e Recursos Humanos

Grao en Relacións Laborais e Recursos Humanos (Adscrita á USC)

Rama de coñecemento: Ciencias Sociais e Xurídicas

· Escola Universitaria de Relacións Laborais (Lugo)
· Complexo docente do campus de Lugo
· 27002 Lugo

Data da autorización de implantación do título pola Xunta de Galicia: 7 de agosto de 2009 (DOGA 16 de setembro de 2009).

Data da publicación no BOE: BOE do 5 de marzo de 2010

Data da última credencial: 10 de xuño de 2009

Responsable do título: Dna. Mercedes Montes Rodríguez

Coordinadora do título: Dna. María Gómez Barreiro

Delegada Universidade: Dna. Silvia Moscoso Ruibal

Condicións da docencia:
· Periodicidade da oferta: Anual
· Tipo de ensino: Presencial
· Linguas de uso: Castelán e galego

CURSO PRIMEIRO, PRIMEIRO CUADRIMESTRE

CURSO SEGUNDO, PRIMEIRO CUADRIMESTRE

CURSO TERCEIRO, PRIMEIRO CUADRIMESTRE

CURSO CUARTO, PRIMEIRO CUADRIMESTRE

CURSO PRIMEIRO, SEGUNDO CUADRIMESTRE

CURSO SEGUNDO, SEGUNDO CUADRIMESTRE

CURSO TERCEIRO, SEGUNDO CUADRIMESTRE

CURSO CUARTO, SEGUNDO CUADRIMESTRE

Os obxectivos xerais do título de Grao en Relacións Laborais e Recursos Humanos pretenden que, tras a superación dun programa de formación multidisciplinar, o graduado, como experto que será no ámbito do traballo e das súas relacións, entendidas estas en sentido amplo (regulación legal das relacións traballador-empresario; organización do traballo; dirección e xestión de persoas e grupos nas organizacións…), adquira as competencias necesarias para exercer a profesión de Graduado Social.

Intervir no deseño e posta en práctica da estratexia e as políticas de recursos humanos, así como en materia de organización do traballo en todo tipo de organizaciones. Asesorar, prestar apoio e emitir ditames no ámbito sociolaboral.

Competencias Xerais:

– Capacidade para aprender autonomamente. (Categoría 1 MEXES).
– Localizar, analizar, sintetizar e xestionar diferentes fontes e tipos de información. (Categoría 2 MEXES).
– Planificar, organizar e tomar decisións no desenvolvemento de actividades e procesos diversos. (Categoría 2 MEXES).
– Aplicar o razoamento crítico no estudo e análise dun determinado asunto ou tema. (Categoría 3 MEXES).
– Expoñer e defender, de forma oral e/ou escrita, asuntos ou temas de carácter xeral ou relacionado coa súa especialidade. (Categoría 4 MEXES).
– Traballar individualmente e en equipo. (Categoría 4 MEXES).
– Traballar e relacionarse cos demais, respectando as normas básicas de convivencia, os dereitos fundamentais e os valores democráticos. (Categoría 4 MEXES).

Competencias Específicas:

– Recoñecer e relacionar os procesos de cambio social, dende unha perspectiva histórica, económica e sociolóxica, coas innovacións en materia de organización do traballo e a evolución dos sistemas de relacións laborais. (Categoría 1 MEXES).
– Coñecer, discriminar e ser capaz de aplicar as normas laborais e de seguridade social vixente como base para poder asesorar e xestionar en materia de emprego, seguridade social e protección social complementaria. (Categoría 2 MEXES).
– Localizar, interpretar, sintetizar e representar datos e indicadores laborais e socioeconómicos. (Categoría 2 MEXES).
– Coñecer, comprender e aplicar as normas xurídicas básicas, públicas e privadas, necesarias para o desempeño das tarefas de asesoramento e representación técnica no ámbito administrativo e procesual e defensa ante os tribunais laborais. (Categoría 2 MEXES).
– Diferenciar, describir e aplicar técnicas, así como tomar decisións no ámbito organizativo e da xestión de recursos humanos. (Categoría 2 MEXES).
– Identificar, recoñecer e relacionar as normas en materia de seguridade e saúde no traballo que permitan deseñar, xestionar e avaliar os sistemas de prevención de riscos laborais en empresas e outras organizacións. (Categoría 2 MEXES).
– Analizar e aplicar as normas laborais e da seguridade social necesarias para actuar como mediador ou árbitro nos conflitos laborais, tanto individuais coma colectivos, ou para ditar laudos en procesos electorais. (Categoría 3 MEXES).
– Comprender, relacionar e traballar con datos e normativa diversa necesaria para apoiar, asesorar e realizar o seguimento de posta enpráctíca de estratexias territoriais de promoción socioeconómica e inserción laboral. (Categoría 3 MEXES).
– Identificar, analizar e recoñecer as normas xurídicas laborais e de seguridade social que permitan a colaboración cos órganos da Seguridade Social e da Administración laboral no desenvolvemento das políticas sociolaborais, así como a súa participación nos procedementos de negociación colectiva. (Categoría 3 MEXES).

1. Acceso á Administración Pública (grupo superior):
– Técnicos da Seguridade Social.
– Interventores da Seguridade Social.
– Inspectores de Traballo e Seguridade Social.
– Inspectores de Facenda do Estado.
– Inspectores de Policía.
– Ensino Secundario, etc.

2. Acceso á contratación por conta allea, podendo realizar dentro da empresa tarefas como:
– Responsable do Departamento de Prevención de Riscos Laborais.
– Responsable da Xestión e Dirección dos Recursos Humanos.
– Responsable da Xestión do Departamento de Administración (elaboración de contratos, asesoramento laboral, fiscal, contable, en materia de Seguridade Social, etc)

3. Exercicio da Profesión de Graduado Social, previa á colegiación no Colexio Profesional de Graduados Sociais.

4. Auditores sociolaborais para o control e avaliación da xestión de recursos humanos.

5. Axentes de emprego e desenvolvemento local.

6. Axentes de conciliación, técnicos de orientación e intermediación laboral.

7. Formadores e Técnicos para a inserción laboral.