Nesta páxina web atoparás toda a información necesaria, tanto da propia Escola, coma dos diferentes estudos e demáis actividades organizadas polo Centro.
A Escola Universitaria de Relacións Laborais comezou a súa andaina no ano 1995 como resposta á demanda social de formar expertos no ámbito do traballo e as súas relacións.
Así, a primeira titulación impartida foi, a hoxe extinguida Diplomatura en Relacións Laborais. Dende o curso 2009-2010, integrándose no sistema do Espazo Europeo de Educación Superior, implanta o Grao en Relacións Laborais e Recursos Humanos, Curso Ponte e Curso Ponte Semipresencial .
A pretensión principal do Grao consiste en formar a expertos no ámbito do traballo e das súas relacións, entendidas estas en sentido amplo (regulación legal das relacións traballador-empresario; organización do traballo; dirección e xestión de persoas e grupos nas organizacións…) que lles permita exercer de modo axeitado a profesión de Graduado Social, intervir no deseño e posta en práctica da estratexia e as políticas de recursos humanos, así como en materia de organización do traballo en todo tipo de organizacións, asesorar, prestar apoio e emitir ditames no ámbito sociolaboral.
Se tes interese en estudar unha carreira universitaria con múltiples saídas profesionais, e nun centro dinámico, activo e próximo, convidámoste a dar un paseo pola nosa páxina web onde atoparás información máis detallada sobre o Grao en Relacións Laborais e Recursos Humanos e outras actividades desenvolvidas pola E.U. Relacións Laborais de Lugo.
Moitas grazas pola túa visita.
Un saúdo.
Mercedes Montes Rodríguez
Directora
Ubicación: E.U. Relacións Laborais Lugo
Capacidade: 17 persoas
Existe unha Biblioteca Intercentros cunha capacidade de 1615 prazas. A súa ubicación está no Campus de Lugo, a 60 metros da Escola, e presta servizo a todos os alumnos da Universidade de Santiago de Compostela, independientemente do Centro ao que pertenzan.
– Concello de Lugo
– Excma. Deputación de Lugo
– Autobuses Urbanos de Lugo
Formación
Programa
Información legal
Aviso legal
Política de privacidade e Cookies
Máis información